ساعه T5s

الوصف

في البدايه حبينا نوضح بكل صدق اهم عيوب الساعه T5s 

حبينا ننصحك قبل الشراء علي رغم اتاحه المنتج في موقعنا للطلب بشكل عادي

يعني الموضوع هدفه نصيحه وليس بيع !

—

كنا من اوائل الناس الي اشتغلنا في الموديل دا من سنتين او اكتر

كان موديل كويس في وقتها لحين انتشار الساعات الكوبي لساعه ابل

طيب ليه بنقولك متشتريهاش دلوقتي

لان موديلات كتير انتشرت افضل منها و تقريبا بنفس السعر او اكتر حاجات بسيطه وهتاخد امكانيات اكتر

—

اهم عيوب الساعه T5s

1-  البطارية 

مش هتاخد بطاريه تقعد معاك ساعتين بالضبط او اكتر حاجات بسيطه

يعني هتحتاج تشتحنها في اليوم اكتر من مره كانك مش لابس ساعه او لابسها منظر

وفي حاله انك هتلبسها منظر ف دا ف حد ذاته عيب لان سعرها مش قليل و في ساعات ديجتال شبه ساعه ابل بسعر اقل بكتيير

2- الشاشة 

شاشة صغيره جدا

وكمان حواف الشاشة دي كبيرة جدا جدا

واهم عيب في الشاشة الالوان .. الوان الشاشه دي سيئه جدا جدا بمقارنه بساعه مثلا زي FT50 نفس الحواف و نفس الشاشه الصغيره ولكن الوانها افضل بكتير من T5s

3- السوفت وير

في اول دفعه من الساعه يعني من سنتين ولغايه فتره قريبه كانت بتشتغل بلوتوث و برنامج ودا كان بيسهل كتير

لكن دلوقتي كل الموديلات اللي ف السوق حرفيا مفيهاش بلوتوث وبتشتغل ببرنامج بس

والاوبشن الداخلي ممل وعقيم جدا

4- صوت الساعه

الصوت ضعيف جدا وممكن متسمعش منها في مكان هادي !

—————

كل العيوب دي موجوده ويمكن اكتر ظهرت مع الوقت ومع موديلات بتقدم حلول افضل وارخص !

طيب ليه في اقبال علي الساعه دي

بسبب بعض المسوقين للتجار اللي عاوزين يبعوة المنتج وخلاص و بيقعنو الناس بيها و في بوستات كتير لناس اشتريت الساعه و كتبت اغلب اللي احنا كاتبينه عنها

احنا في اوكازيون اه عندنا الساعه ولكن هدفنا الاساسي مش انك تشتري وبس وبعد كدا تندم !

لا هدفنا انك تشتري وتكون مبسوط بالمنتج و تاخد ليه اكسسوارات من عندنا طول ما انت بتستخدمه

طيب ايه اقرب موديل للساعه ؟!

اقرب موديل للساعه بنفس السعر هي FT50 ولكن هي افضل فقط ف الوان الشاشه والاوبشن حاجات بسيطه ولكن !

البطارية مش احسن حاجه هي اه احسن من T5s ولكن مش الافضل !

الموديل دا تقريبا بنفس سعر t5s يمكن ارخص منه بسيط ولكن مظلوم

طيب ايه الاعلي ونفس الوقت فرق السعر يكون بسيط ؟

موديل ظهر جديد واثبت وجوده وللاسف لو ملحقتوش هيفوتك كتير لانه مش هيفضل ثابت كتير

هو موديل Z36s 

وعملنا فيديو مقارنه بين الساعه t5s و ال z36s ووضحنا كل الفروق بينهم 

ولكن هنا خليني اقولك اهم الفروق

اولا الشاشة شبه كامله وحواف قليله جدا

الوان الشاشة مشبعه و مفيش مقارنه يعتبر بينها وبين T5s 

ثانيا البطاريه افضل ادائه بكتير من T5s

ثالثا السوفت وير مليان اوبشن اكتر واسهل وكمان فيها بلوتوث !

رابعا صوت الساعه عالي وتقدر تسمعه في مكان مفتوح ودا اثبتناه في فيديو خاص بموقعنا علي الطبيعه

اخر و اهم حاجه وهي ان الساعه Z36s مقاومه للمياه حرفيا وجربنها في الفيديو علي الطبيعه

فرق السعر بين الساعتين مش كبير ودا اقرب موديل بفرق السعر بين الساعتين

طبعا في اعلي من Z36s ولكن احنا بنتكلم في فئه سعرية معينه

كل ما تعلي في السعر تاخد مميزات اكتر واعلي

في النهاية …

الموديلات اللي ذكرنها كلها متاحه علي موقع وتطبيق اوكازيون كوم

يعني مفيش موديل مش عندنا علشان كدا بنروج ليه او موديل بنفضله عن التاني

هدفنا ف الاساس هو انك تشتري المنتج المناسب و اللي يعيش معاك

اتمنى تكون المقاله وضحت كل التفاصيل , مستني تعليقاتكم